LXIX. — BALADE

D" pour vous ma joie se define Et ma dolour est à recommencier, Quant je me part de votre douçour fine Que nulz ne puet trop loer ne prisier ; s Car li desirs que j'ay de repairier Par devers vous ne me laist joie avoir, Pour ce que trop vous desir à veoir.

Las ! cilz desirs ne nuit ne jour ne fine De ma dolour croistre mouteplier ;

10 Et mes fins cuers si durement s’encline, Et mi penser et tuit mi desirrier, A retourner vers vous que j ay tant chier, Qu'il me convient tout mettre en nonchaloir, Pour ce que trop vous desir à veoir.

15 Et quant Amours mon cuer et moy doctrine, Si que je vueil en l’amoureus dangier Vivre et morir, sans penser mauvais signe, Gentil dame, que j’aim de cuer entier, Pour Dieu vous pri ne vueillés ja cuidier

20 Que vostre amour ne me face doloir, Pour ce que trop vous desir à veoir.