LXXXIX. — BALADE

ERCY, merci de ma dure dolour Pri et repri en moult lonteing païs, Mais je ne puis faire tant de clamour Que je puisse de ma dame estre oïs, 5 Car trop lonteinne est de moy, ce m'est vis. Si me convient gemir et dementer Et en plaingnant sa douceur regreter.

Car quant je pense à sa haute valour Et aus dous yex de son gracieus vis

10 Et as parlers qui par si grant douçour En riant m'ont de li esté tramis, Je m’entroublie et sui si esbahis Qu'il me convient ma dolour dolouser Et en plaingnant sa douceur regreter.