CX. — BALADE

E" remirant vo gracieus viaire Et vo gent corps, belle, qui tant m'agrée, Douce esperance en mon fin cuer repaire, Qui resjoïst mon cuer et ma pensée 5 Si doucement que ma joie doublée En est cent fois, quant je vous puis veoir.

S'en sui amis loyaus, sans decevoir.

Car il n’est nulz, s’il atent tel salaire Comme je fais, douce dame honnourée, Qui ne doie, sans faire nul contraire, Servir amours, quant elle est engenrée Dedens son cuer ; car chose desirée

Plaist trop à cuer, quant on la puet avoir.

S'en sui amis loiaus, sans decevoir.