CXXXVII. — BALADE

D°* de tous biens assevie, Vo chiere pleinne de douçour Et vostre maniere jolie M'ont espris de loial amour Et navré par si grant vigour Que durer ne puis nullement, Se vostre douce chiere ment.

Car elle ha ma mort et ma vie, Mon cuer, mon desir sans retour Si souzmis en sa signourie Qu'’autre de li n’aim ne aour.

S’ay droit que de ma grief langour Ne puis avoir aligement,

Se vostre douce chiere ment.

Et s’aim mieus de ma maladie Languir ou morir à dolour

Que recevoir confort n’aïe

De nulle autre ; car de l’ardour Qui m'art et esprent nuit et jour Morray, je le sçay vraiement, Se vostre douce chiere ment.