CXXXIX. — BALADE

De dame, je vous requier mercy Qu’au retourner devers vo dous viaire D’aucun dous mot ou d’un regart joli Ou d’un dous ris vueilliés mon cuer refaire ; s Car, selon ce que j’aimme sans retraire, Se vous estes envers moy fiere, Oncques amour ne fu si chiere.

Car je sui cilz qui cuer et corps ottry Tres humblement pour vo service faire, 10 Ne ja pour bien ne pour dolour aussi Ne verra nulz mon cuer d’amer retraire ; Et se vous me faites à la mort traire, Par deffaut de vo douce chiere, Oncques amour ne fu si chiere.

15 Mais s’il vous plaist à souvenir de my, Tant qu'au retour me soiés debonnaire, Douce dame, vous arés tost gari (fol. 58 v°. b) La grief dolour qui en mon cuer repaire.

Et vraiement, se tant m'estes contraire 20 Que j'en perde joie et maniere, Oncques amour ne fu si chiere.