CXLII. — BALADE

Gris me puet mes cuers en corps durer, Quant je say bien que je ne puis veoir

Le dous regart ne le viaire cler

De ma dame que j’aim sans decevoir ?

Trop est mauvais, quant il ne part, pour voir,

Quant il languist en si tres longue attente

De reveoir ma douce dame gente.

Helas ! li las ne se puet conforter

Pour riens qui soit, car il n’a nul pouoir De la dolour souffrir ne endurer, Qu’amour li fait sentir et main et soir.

Si ne puet pas longue durée avoir

En sa dolour, car desirs trop le tente De reveoir ma douce dame gente.

Mais s’il deignast ma dame ramembrer De la dolour qui tant me fait doloir Que j’ay espoir de morir pour amer, Moult me peüst conforter et valoir ; Car je languisse en gracieus espoir

Et s’eüsse par ce tres bonne entente De reveoir me douce dame gente.