CL. — BALADE

E"" ! dame, coment puet endurer Vos gentilz cuers, qui tant ha de valour, (fol. 59 v*.b) Que je me muir einsi pour vous amer ?

Et si savez que je n’aim ne aour $ Autre de vous n’onques vers vous folour Je ne pensay, et vous m’estes si dure Que pour vous sui mis à desconfiture.

Helas ! dolens, et pour moy partuer Vous n'avés mais ne pité ne tenrour 10 De ma dolour, ne vostre oueil regarder Ne me deingnent, et vo fine douçour Me fuit et het, et vo fresche coulour Ne puis veoir ; dont tant de mal endure Que pour vous suis mis à desconfiture.

15 Pour ce vous pri que briefment conforter Vueilliés mon cuer et alegier son plour ; Car plus n'ose ne venir ne aler Ne retourner vers vostre noble atour, Pour ce que j'ay de vos courrous paour, 20 Qui m'a ja si mis hors d’envoiseüre Que pour vous sui mis à desconfiture.