CLI. — RONDEL

UANT ma dame ne m'a recongneü, Je doy moult bien scens perdre et congnoissance.

Avoir me doit joie descongneü, Quant ma dame ne m'a recogneü.

$ Car com son serf lige adès congneü M'a ; or me muir pour sa descongnoissance.

Quant ma dame ne m'a recogneü, Je doy moult bien scens perdre et congnoissance.

CLIL — BALADE

L doulz parler, plein de toute douçour, Li tres dous ris et li regart joli, Par qui mes cuers soloit estre en baudour Par promesse de joie et de merci s De ma dame, me sont si enchiery Que je ne say mais dont joie me veingne, Qu’Amours ne veut et ma dame ne deingne.

Si me merveil trop de loyal Amour, Quant elle scet que j'ay lonc temps servi 10 Si loyaument ma dame de valour C'onques vers li ne faussay ne menti.

Mais vraiment, je les escuse einsi Que je croy bien qu’il ne leur en souveingne, Qu’'Amours ne veut et ma dame ne deingne.