CLXXIV.— BALADE

N° pensés pas que je retraie

Mon cuer, dame, de vous servir Pour bien ne pour dolour que j'aie, Car ce ne porroit avenir :

Tant suis je vostres de cuer fin.

Et quant si m'arés mis à fin Que char, sanc n’aray ne repos; S'arés vous le cuir et les os.

Car plaisence, volenté vraie, Fin cuer loyal, tres grant desir Et corps ay qui pas ne s’esmaie Pour vostre voloir soustenir.

Et se vous metés à declin

Moy qui tous sui et qui m’enclin À vo dous vuel, bien dire l’os, S’arés vous le cuir et les os.

Et se de l’amoureuse plaie

Que j’ay au cuer m'estuet morir, Si vueil je, belle, bonne et gaie, Après ma mort vous obeïr