CLXXVII — BALADE

ELAS ! Desirs, que me demandes tu ?

Que t’ay je fait qui einsi me destruis Par ton engin navré et confondu, Mais si qu’aler vers ma dame ne puis?

s Et si ne me lais em pais D'aler vers li et aler ne m'i lais, Soit loing, soit près ; toudis yes contre my. Certes, trop ay en toy dur anemy.

Souvent me fais, bien l’ay aperceü, 10 Pleindre mes jours et enhaïr mes nuis, N'encor ne m'as nulle fois repeü Des biens dont tant sui familleus et vuis, Que tant desirer me fais Qu'il me vaurroit mieus morir à -j: fais 15 Qu'einsi languir en desirant mercy.

Certes, trop ay en toy dur anemy.

Si sui trop fols, quant je t’ay tant creü,

Car tu pues bien acroistre mes anuis,

Mais en toy n’a scens, pooir ne vertu (fol. 62 ». a) 20 De moy aidier, se de moy ne t'en fuis ;

Mais ce n’avenroit jamais,

Qu'en mon cuer yes si ardenment pourtrais

Que ne t'en pars jour, heure ne demi.

Certes, trop ay en toy dur anemi.