CXCIV (1). — BALADE

[- n’est dolour, desconfors ne tristece, Anuis, grietez ne pensée dolente,

Fierté, durté, pointure ne aspresse,

N’autre meschief d’amours que je ne sente,

s Et tant plain, sauspir et plour

Que mes las cuers est tous noiez en plour.

Mais tous les jours me va de mal en pis,

Et tout pour vous, biaus dous loiaus amis.

Car quant je voy que n’ay voie n’adresse

10 À tost veoir vostre maniere gente Et vo douceur qui de loing mon cuer blesse, Qui toudis m'est par pensée presente,

Je n’ay confort ne retour (fol. 203 v°. b) Fors à plourer et à haïr le jour 15 Que je vif tant ; c'est mes plus grans delis.

Et tout pour vous, biaus dous loiaus amis.