CCXVI. — BALADE

UANT vrais amans de sa dame se part Qui ne se puet ne vuet de li partir, Grant merveille ay que li cuers ne li part :

Tant a meschiés et doleur à sentir ;

Quar quant il pert le veoir et l’oir

Et le regart de sa tres douce dame, Comment vit il, je ne le say, par m'ame.

Il laist son cuer navré d’amoureus dart Qui demeure gage de revenir;

Et s’il retient Dous Espoir de sa part, Tres-dous Penser et Plaisant Souvenir, Riens ne valent sans cuer ; et quant Desir L'art et bruit de l’amoureuse flamme, Comment vit il, je ne le say, par m'ame.

Et quant mes corps n’a cuer n’Espoir, ains art

Pour ma dame qu’aim seur tout et desir,

Et Dous Pensers ne Souvenirs regart

N'ont qu'il puissent ma dolour amenrir,

Et loing de li ne fait fors que languir

Pour le Desir qui nuit et jour l’enflame, (fol. 207 r°. a) Comment vit il, je ne le say, par m'ame.