Ms. : Ay pr. — Mep. C

(ol. 2 re. b)

Ceuls qui s’en vorroient ruser, Car je ne puis mon temps user

En milleur n’en plus bel usage Pour avoir noble et lié corage

Et pour estre gais et jolis,

Gens, joins, apers, cointes, polis; Car tout homme qui ad ce pense, Il ne riote ne ne tense,

N'il ne porroit penser à chose

Où villenie fust enclose,

Haïne, barat ne mesdis :

Je le say trop bien par mes dis.

Car, quant je suis en ce penser, Je ne porroie à riens penser

Fors que seulement au propos Dont faire dit ou chant propos; Et s’à autre chose pensoie,

Certes, mon oueuvre defferoie.

Et s’on fait de triste matiere,

Si est joieuse la maniere

Dou fait, car ja bien ne fera

Ne gaiement ne chantera

Li cuers qui est pleins de tristesse, Pour ce qu'il het et fuit leesse.

Mais quand li cuers est pleins de joie, Il se delite et se resjoie

En faisant son chant et son dit En douce plaisence. Et s’on dit Que li tristes cuers doit miex faire Que li joieus, c’est tort à faire, Ne je ne m’i puis acorder ;

Car, quant souvenirs recorder Fait l’amant, par douce pensée, La tres bele et la bien amée,

A quiil est mis et donnez

Et ligement abandonnez,