CCLII. — BALADE

uis qu'Amours faut et Loyauté chancelle Et Pitez dort et ma dame d’onnour Est en tous cas à mon desir rebelle N'oncques de moy n’ot pité ne tenrour, 5 Ma dame et Amours renoy Et leur service et l’'amoureuse loy; Car miex me vaut de leur dangier partir Qu'en eaus servant sans joie adès languir.

Si seray frans, qui est chose si belle 10 Qu'on ne porroit esprisier sa valour, Et d’autre part ni a celui ne celle Qui de moy puist oster joie et baudour.

Einsi seray sans annoy Et drois sires de mon cuer et de moy, 15 C'on doit cent fois plus amer et cherir Qu'en eaus servant sans joie adès languir.