CCLII (1). — BALADE

D°° memoire des hommes degradés Et des livres, où il a esté mis, Maudis de Dieu, de tous sains condampnés, De la clarté des estoiles bannis Puist estre li mois de Mars Et de mal feu d’enfer brulés et ars, Li et si jours et sa puissance toute, Quant il m'a fait avoir en piet la goute.

Dou biau soleil ne soit point alumés Ne de la lune esclairié ne servis, Mais tenebreus soit et pleins d’obscurtés, Pour ce qu'il est à Nature annemis.

En bataille soit couars Et desconfis com ribaus et pillars, Avec le Roy de glace que trop doubte, Quand il m’a fait avoir en piet la goute.

Des autres mois soit desjoins et ostés Et de Nature oubliés et haÿs,

Et Avril soit exauciés, honnourés, Li biaus, li dous, li courtois, li jolis,