CCLXVII. — BALADE

DE dame, tant vous aim et desir De cuer, de fait et d'amour fine et pure, Que mi panser sont et tuit mi desir En vous que j’aim sur toute creature.

s Et puis qu'Amours à ce mis M'a que je sui vos fins loiaus amis, Dame, vueilliez en grace recevoir Moy qui tous sui vostres sens decevoir.

Et je vous jur qu'honnourer, obeir, 10 Amer, garder, sens penser mespresure, Vous vueil de cuer et faire vo plaisir Com vos amis qui d'autre amour n’ay cure.

Et si vueil en vos pourpris Vivre et morir, belle ; ainsi l’ay empris.

15 Si ne devés pas mettre en non chaloir Moy qui tous sui vostres sens decevoir.

Car tous li biens dou monde puet venir De vostre bien ; aussi Dieus et Nature Vous ont donné puissance de garir

20 L’amoureus mal dont je san la pointure ;

Ne mais n’en seray garis,

Se par vous n’est, dame; j'en sui tous fis.

S1 devés bien penre en cure et avoir Moy qui tous sui vostres sans decevoir.

CCLXVII 9. Ms. : que h. 15. ne devrez C.