je manque dans DFJN

sr. de foy F.

Las ! dolens, et sa douce chiere

Que tant desir, que tant ay chiere,

Qui tant me plaist, qui tant m'est chiere, A grant dolour

M'ocist, quant vers moy est si fiere

Qu'’oir ne deingne ma priere,

Pour ce qu’elle ha sans parsonniere Toute m'amour.

Certes, mar vi sa grant douçour,

Sa biauté, son faitis atour,

Ses dous yex, sa fresche coulour, Puis que confort

N’aray de sa haute valour

Que j'’aim, serf, desir et aour,

Ne riens qui soit n’est en mon plour Qui me confort.

Las ! Amours, et je l’aim si fort Que cuer, corps, pouoir et effort, Ame, vie et tout par tel sort Ay en li mis Qu'en riens qui soit ne me deport Fors es maus d’amours que je port ; Et miex vorroie avoir la mort Qu'estre ailleurs mis.

Si que je sui trop esbahis,

. Par qui je sui einsi trahis,

Amours, que de toy sui haïs; Car tu sces bien

Que je sui ses loyaus amis

Ne je n'en puis estre remis.

Or est ses frans cuers anemis À tout mon bien.

s9. Ce vers manque dans DFN ; J : Et que tant a cheste et compere.