Ms. : Theorique.v. — Rhetorique v. C

Dont il fait à plus lie chiere Et de plus joli sentement Que cils qui vit dolentement'; Car joie et doleur, ce me semble, Puelent petitement ensamble.

Et quand Nature me commande Et li dieus d’amours que j'entende Aus choses dessus proposées, Seur l’onneur des dames fondées, Bien est raison que je m’aplique (fol. 3r°. a) A faire leur bon plaisir, si que Je n’i mespreigne ne mefface.

Or pri à Dieu qu'il me doint grace De faire chose qui bien plaise Aus dames : car, par saint Nichaise, À mon pooir quanque diray, A l’onneur d’elles le feray, Car vraiement trop mefferoie En cas qu’einsi ne le feroie.

Et pour ce vueil, sans plus targier, Commencier le Dit dou Vergier.