X. — DIT DES MESDISANS

J* passét a plus de .-x- ans, Oÿ dire que mesdisans

Sont necessaires en amours

Et que leurs jangles et leurs mours

Font estre meinte bonne dame

Nette de corps, de cuer et d’ame

Et garder bonne renommée

En fait, en dit et en pensée,

Et les amans mettre à mesure,

Quant desirs trop les desmesure.

Vés ci comment prouver le vueil,

Comment qu'il m’aient fait maint dueil

Et maint anui et maint contraire

Que je ne vueil mie retraire.

Prenez une dame de pris

Qui ara de bon cuer empris

Une si gracieuse emprise

Qu'elle sera d’amer esprise

Et vorra doucement am:r,

Amouresement, sans amer,

Sans penser mal, sans villonnie,

Sans barat et sans tricherie,

Son dous amy, et il sera

Ad ce menez qu’il l’amera

De cuer, sans pensée villeine,

Plus que Paris ne fist Heleinne.

Il convient de neccessité,

Pour garder pais et amité,

Qu'elle soit toudis sus sa garde

Pour mesdisans et qu’elle garde (fol. 7r v°. a)

Que trop ne soit large en ottry,

Car là doit on mettre detri,