veult que il me R

(1) MR: L'amant.

Ains sui riches et pleins de joie, Quant elle m'a tant enrichi.

15 Dame, com povres que je soie, J'ay bien vaillant un cuer d'ami.

Dame, en amer faut le millour

Mout de son droit laissier aler,

Par quoy de :ij: cuers une amour 20 Soit, en desir ou en penser.

S'ainsi estoit, miex chanteroie

De fin cuer amoureus joli.

Dame, com povres que je soie,

J'ay bien vaillant -j. cuer d’ami.

XIL — BALADE (1)

O° voy je bien, ma dolour renouvelle Et ma joie prent son definement, Quant il m'estuet partir de la tres bele Qui a mon cuer en son commandement.

5 Si ne sçay mais la maniere comment Vivre puisse longuement, sans morir, Puis qu'il m'estuet de ma dame partir.

Car mes fins cuers dedens mon corps sautelle, Fant et fremist, mue si asprement 10 Qu'en moy Paours par dangier se resveille Et Desespoirs, qui d’un consentement Sont alié pour moy faire tourment.

Las ! si ne sçay qui me puist garantir, Puis qu’il m'estuet de ma dame partir.