XIII. — BALADE

DE comment que vous soie longtains, Pleins et espris d’amoureuse dolour, N'est pas en moy li dous voloirs estains De vous amer et servir sans sejour, s Ains mouteplie et croist de jour en jour.

Dame, et se ja estes de ce certeinne Ne me soiés de vostre amour longtainne.

De vous me vient li souvenirs prochains, Qui me monstre vo parfaite douçour 10 Et vo bonté, par quoy je sui certeins Qu'il n’est de vous plus bele ne millour.

Et quant je n’aim riens tant com vostre honnour, Gentil dame, de toute grace pleinne, Ne me soiés de votre amour longtainne.

15 Par vos dous yex sui si forment atains (fol. 46 »°.b) Que je ne serf ne desir ne aour.

Autre de vous; et s’en sui si contreins Que je y met cuer, corps, maniere et vigour.

Et puis que j’aim vous de si vraie amour 20 Que de mon cuer estes la souverainne, Ne me soiés de vostre amour longtainne.