XV (1). — BALADE

D" se vous m'estes lointeinne, (C. fol, 179 v°. a) Pas n’est mes cuers de vous lointeins, Car par ramembrance procheinne Est nuit et jour de vous procheins ; s Et en lieu dou cuer est remeins En mon corps li maus amourous, Comment que soie long de vous.

Mais cils mauls est sans nulle peinne :

Car, quant j'en suis plus fort ateins,

10 Bonté, valour, biauté souvreinne, Dont vos gentils corps est enceins, Font que je chant de joie pleins Pour vous, dame, à qui je sui tous, Comment que soie long de vous.

15 Se vous pri, dame d’onneur pleine, Que, se vos cuers est ja certeins Que li miens loyaument se peinne D'amer, sans ja estre refreins, Que vous souffrez à tout le meins 20 Qu'il vous serve, loiaus cuers dous, Comment que soie long de vous.