XXXVI. — BALADE

ENUS me sui longuement de chanter, Mais orendroit ay loyal occoison D’estre envoisiés et de joie mener, Car mes cuers est gietés hors de prison Où il fut mis doucement.

Mais puis qu'il est mis hors delivrement, (ol. 48 v. b) Mener m'estuet bonne vie et joieuse, Pris de rechief en prison amoureuse,

S'il n’est einsi que, par trop desirer Celle en qui maint sens, maniere et raison, Mon cuer convengne en dolour demourer ; Car tant desir à veoir la façon

De son dous viaire gent Et sa fine biauté, que vraiment Languir m’estuet en langueur dolereuse, Pris de rechief en prison amoureuse.

Mais ja pour bien ne pour mal endurer Je ne lairai qu'adès, sans mesprison, De cuer, de corps, de desir, de penser Je ne serve, sans faire traïson, Ma douce dame humblement.

Car loing de li est mes fins cuers souvent, Par sa biauté plaisant et gracieuse Pris de rechief en prison amoureuse.