Pour faire cuer languir M ; pour cuer d’ament tenir D

(1) C: Balade.

5 M'ont pour amer fait si lonc temps languir Qu’Amours depri que, s’elle ha volenté De moy donner merci pour ma grieté, Reteingne la, car je n’en puis garir.

Car je suis si mis à desconfiture 10 Pour Loyauté et Amours maintenir Qu'en monde n’a si dure creature, S’elle savoit quelz maulz j'ay à sentir, Qui grant pité n’eüst de moy veïr ; Car en servant Amours m'ont si usé 15 Qu’en mon corps n’a riens d’entier demouré Dont je peüsse autre jamais servir.

Et s’ay toudis, quel dolour que j'endure,

Desir d’amer et voloir de souffrir ;

Car Loiautez et Amours m'ont en cure, 20 Et d’autre part me redist, sans mentir,

Raisons qu’il vaut miex mille fois perir

Com vrais amis, par pure loyauté,

Que recevoir merci par fausseté.

Et je la croy : si m’en convient morir.

25 Mais se celle que j’aim outre mesure Se daingnoit tant à mon bien consentir Que de sa tres douce regardeüre Fusse veüs, eins que doie fenir, De ce grant part aroie que desir 30 Que j'eüsse, lonc temps a, eschevé, S'en li eüst tant pité com biauté.

Mais pas n’i est, dont moult souvent soupir.