languissant tuer F

Ne ma dame n’en ha nulle pité,

Et si scet bien que je langui à tort

Pour li que j’aim sans nulle fausseté ;

Dont tel doleur prent en moy son ressort Que ma joie morte en est et fenie.

Et par ce sçay qu’elle ne m'aime mie;

Car ses frans cuers, c’on ne puet trop loer, Rien qu'il amast ne lairoit demourer

En la dolour dont je cuit vraiement

Morir pour li tres dolereusement.

Helas! pour quoy vi je onques sa biauté, Son corps faitis ne son gracieus port,

Ne son doulz vis rient, fres, coulouré,

Ne ses vairs yex? qu’il mené à tel port M'ont que bien sçay que ma nef est perie; Car confort n’ay de riens qui soit, n’aïe, Fors de moy seul, nès mes cuers demourer Ne deingne en moy ; si ne puis eschaper Qu’ outre le gré d'Amours n’aie briefment La mort que j'ay desiré longuement.

Et se je suis par la grant cruauté

De ma dame menez jusqu’à la mort,

Miex me vaura que vivre en tel durté, Qu’entendement, scens, maniere et deport Ay tous perdus; et com plus m’humelie, De tant croist plus la dure maladie

Qui m'art et seche et me fait esperer Qu’'Amours n’a pas pouoir de moy donner Mercy : tant sui je outrés crueusement De la doleur que j’endure humblement.