Car r. À

’EsT la cause de mon dueil Dont je pers tout mon escueil; C’est ce pour quoy mon vis mueil, Com vrais sougis Qui n’ai meffait ne mespris Contre son vueil ; Et pour ce en l’amoureus brueil, Ce m'est vis, la verge cueil Pour moy batre et me despueil, Comme aprentis Qui n’a d’avoir joie apris Lettre ne fueil.

B'! sire Diex ! comment puet ce estre Que je sui si fort mis à mestre Que departir, Deguerpir Ne fuir Ne puet mes cuers de son dous estre Eins est toudis dessous sa destre Pour li servir, Oubeir Et cherir ?

ERBE vert ou fleur de genestre Me puet o les bues faire paistre, A son plaisir, Et morir, Sans mentir.

Nulle si plaisant ne puet nestre; C'est uns drois paradis terrestre De li veïr Et oïr Et sentir.

(fol. 98 v°.)

po est sa douceur pure Douce à tous et à moy sure Et ne cure De ma cure Ne de la mortel pointure Dont mes cuers est entechiés, Et seur toute creature L'aim d'amour ferme et seüre ?

Or figure Sa figure En mon cuer la pourtraiture De Mort. N'est ce grans meschiés ?

UANT tres humblement l’endure, Et si n’est chose si dure Com m'ardure Qui tant dure Que je vif contre nature, Si qu'Amours qui est mes chiés Fait envers moy mespresure, Qui quiert ma desconfiture N’à mesure Ne mesure Ma triste pensée obscure.

Par ma foy, c'est grans pechiés.

Poe ce vous pri, Plourez avec my, Mi loyal amy ; Espandez vo plour seur mi Pour moy faire plus doloir, Et je vous di Que mi anemi Seront assevi, S'il voient partir par mi Mon dolent cuer sans espoir,

UI m'a guerpi 130 Et mis en oubli Pour estre à cely Qui n’a que faire de li Et qui ne le vuet avoir.

Si m'en defri, 135 Qu’onques mais ne vi Maintieng si joli.

Or m'a de s’amour bani Pour amer sans decevoir.

S' ne sai que faire ;

140 Ne m'en puis retraire Et ne li puis plaire, Qu’Amours qui me maire Me fait plus contraire

Qu'Alixandres ne fist Daire ;

145 Et si ne m'os traire Vers son dous viaire Pour mes maus retraire, Car miex me vaut taire Qu’à li plus desplaire,

150 Qui me puet faire et deffaire.

E’ la debonnaire Qui est de bonne aire, Blanche, blonde et vaire, D'onneur exemplaire, 155 Le tres dous repaire Me vée où elle repaire.

Si n’en puis attraire Amoureus salaire Pour crier ne braire :

160 Demourer au Quaire Et vestir la haire Vaudroit miex qu’estre en tel haire.

S' que pleindre Ne compleindre Ne me vueil plus, eins vueil feindre Que mi dolereus complaint

Soient meindre,

Puis qu’ateindre Ne puis à riens qui esteindre Puist m’ardeur, ne qu’elle m'aint.

E' se teindre Et desteindre Me fait, pour amer et creindre, Souvent et de divers taint, D'espoir greindre Me doy ceindre, Puis qu’elle scet que sans feindre Mes cuers tous en li remaint.

F' de desconfort

Et fi d'omme fort Qui ne prent au fort Vigueur et confort.

Li cisnes contre sa mort

Se reconforte en chantant.

Pour ce me confort, Et si me deport Es maus que je port, Ne mauvais rapport

Ja de moy ne de mon port

N'orra celle que j'aim tant,

» ce n’est à tort ; Qu’ennemis ne dort Et maint cuer entort Prennent grant deport En mesdire et grever fort