VII — BALADE

Je miex languir en ma dure dolour Et puis morir, s' Amour le prent en gré, Qu’avoir mercy, se ce n’est à l’onnour De vous, dame, que j’aim sans fausseté ; $ N'oncques en moy n’ot autre volenté Ne ja n'avra, pour peinne que j'endure, fol. 136 r°.b) Et me fussiés .c. mille fois plus dure.

Comment que j'aie en tristece et en plour Langui lonc temps par vostre cruauté 10 Et que plus loing soie de jour en jour De la merci que j'ay tant desiré, Mais ne lairay pour ce qu’en loyauté Ne vous aimme seur toute creature, Et me fussiés -c. mille fois plus dure.

15 Pour ce vous pri, dame, qui estes flour De tous les biens et de toute biauté Et qui avés en grace et en valour Et en plaisant maintieng tout sormonté, Que vous daingniés avoir de moy pité, 20 Que ja vers vous ne penseray laidure, " Et me fussiés -c. mille fois plus dure.

VII. — BALADE (fol. 136 vo. a) D° desconfort, de martyre amoureus, De griés soupirs, d'une crueuse ardure, De pleins, de plours, d’un mal tres dolereus Pleins et peùs de triste nourriture, $ Vuis et geüns d’amoureuse pasture, Vit en morant, dame, li cuers de mi En desirant vostre douce merci. (Jol. 136 vw. b)

VIT. 16. de toutes biautes DJN. VIII. 2. une amoureuse ardure E.

Mais ce qui plus le fait estre angoisseus

Et qui plus croist la dolour qui me dure, 10 C'est qu’à chascuns est humbles et piteus

Vos gentis cuers, helas! et il ne cure

Ne pité n’a de ma dolour obscure,

Et si scet bien que j'ay lonc temps langui

En desirant vostre douce merci.

15 Et puis qu'il est de mon mal si joieus Qu'il prent deduit en ma desconfiture, Onques amans ne fu si eüreus Com je seray, se cilz maus que j’endure M'ocist pour vous, ne ja mort ne m'iert dure, 20 Se par vo gré puis definer einsi En desirant vostre douce merci.