IX. — BALADE

aus cuer m'en vois, dolens et esplourez, Pleins de soupirs et diseteus de joie, D'ardant desir espris et embrasez, Douce dame, que briefment vous revoie, s Si qu'’einsi sans cuer durer Ne porroie ne tels mauls endurer, S'Espoirs en moy ne faisoit sa demeure En lieu dou cuer, dame, qui vous demeure, (fol. 137r°.a)

Et Souvenirs qui scet tous les secrés 10 Que Dous Pensers m’amenistre et envoie, Dont en moy est empreins et figurez Vos faitis corps et vo maniere quoie, Vo douls riant regarder Et vo douceur qui me fait aourer 15 Vous que je voy par tout et à toute heure En lieu dou cuer, dame, qui vous demeure.