IV. 2. Ms.: qui

(1) Sic /

Helas ! je sui arrivé à mal port, Quant pour amer m'est pris la fievre lente Qui me fera mourir à desconfort, Se secours n'’ay de la tres excellente

Sens qui je n’ay nul plaisir Et pour qui m'est souvent maint mal sentir; Car quant loing sui de son tres douz viaire, Quanque je vueil me vient tout au contraire.

Tres Dous Espoir ! et t’ay je fait nul tort Qui tolu m'as d’onneur la droite sente Et m'as laissié? dont je me desconforte, Car sens toy n’est doleur que je ne sente.

Se tu ne viens secourir Mon las de cuer, il le convient perir, Car puis que voy que cloz m'est ton repaire, Quanque je vueil me vient tout au contraire.