VIL — DE LA CONSCIENCE D'AMOUR DE FEMME

Je mon bec jaune poié trop folement Jusques à ci, mais je ne le plain mie, Pour tant que nulz n’est sages, s’il n’aprent; Et j’ay apris à connoistre m'amie, 5 Car elle m'a sa foy à tort mentie.

Dont je voy bien par droite experiance Qu’amour de femme a pou de conscience.

Elle m’avoit bien eù en convant Qu’autre de moy n’ameroit en sa vie,

10 Et or en a bien amé plus d’un cent, De vray le say ; dont j’ay fait grant folie, Quant j'en sui ore entré en jalousie Qui bien deüsse avoir tant de science Qu'amour de femme a pou de conscience.

15 Qui croira femme pour plourer tendrement Ne pour jurer pour chose qu’elle die, Coulz en sera et chaitis vraiement, Car est tout vent quanqu'’elle vous afie, Je le sai bien ; pour ce de cuer vous prie

20 Que le diez par tout en audience | Qu'amour de femme a pou de conscience.