XIX. — BALADE DE CONFORT. — LA DAME

D° amis, pour toy conforter Je te prie, tieng ton cuer en joie Et te plaise en bon gré porter Les maus qu'Amours pour toy m'envoie, Que sauf mon honeur je t’otroie Que se loyaument veulz servir, Je metray paine au desservir.

Je say bien qu'il te faut veillier

Assez plus que je ne voudroie,

Mais tu ne t’en dois merveillier,

Qu'il n’est nuit qu’en tel point ne soie; Et se durs temps as, ne t'esmaie

Que sens ton corps trop asservir :

Je metray paine au desservir.

Pense d’amer et de celer,

Endure et sueffre par tel voie

Que tout mien te doie appeller

Et qu’à toy tout seul estre doie ;

N'i quier autre [amour] que la moie, Et s’ainsi te voy parservir,

Je metray paine au desservir.