ODE

Trois et quatre fois heureus l'homme Qui ne veut estre poursuivant Les riches honneurs, que le vent Le feu, le tamset l'eau consomme.

Aussy j'estime davantage Le laboureus qui, souffreteus, Cultive quelque champ pour ceus Qui vivotent en son mesnage,

Qu'un brave seigneur, lequel couve, Au fond de son cueur envieus, Quelque désir ambitieus Sans que satisfait il se trouve.

Je regarde: mais depuis l'heure Que j'aspirayje ne scay quoy, J'ay tousjours quelque vifemoy Qui dans mon cueur fait sa demeure.

Toute la nuit, quand je repose, Morphé, ce traitre, ce trompeur, M'offre maint litre, maint honneur, Ou je voy la richesse enclose.

Aucune fois je suis grand, prince, Et tout le monde qui me voit, S'ebahissaiit, me montre au doit Comme le chef de sa province.

Combien de fois, sous un faux songe, J'ay eu d'escus pleines les mains, Heureus entre tous les humains Si ce n'eust point esté iwnsonge.

D'autrefois, dedans un' Eglise, Comme tvesque j'ay le roquet, Et d'autre-fois, dans le parquet, Comme président je devise.

Mais las! mais las! quand je m'éveille Et,deconforté,je me vois Estre tousjours de mesme bois, Ma vie estre tousjours pareille.

Lors, crevant de dépit, j'accuse Tous les Dieusde m'avoir ainsy Mon heureus sommeil accourcy, Et l'espoir d'un bien qui m'abuse.

Doncque, sans plus a rien m 'attendre A ce monde, je dis adieu.

Je veus, pour mieus servir a Dieu, Dedans quelque rocher descendre.

Là, mon ame, de peu contante, Aus piez foulera les honneurs, Du monde les vaines douceurs Et le beau de l'or qui nous tante.

Je veus vivre en un hermitage Elevé sur un haut rocher; Là ne puisse aucun approcher Pour en divertir mon courage.

Si tost que l'Aube rousoiante Aura lancé ses premiers rais. . .

Ici se termine le manuscrit, dont la dernière feuille paraît avoir été seule enlevée.