ODE
Vous me reprochez tousjours Que j'escry de nus amours, Et que, sur ma douce lire, Je n'ay autre chose a dire.
Je le confesse, mon cueur, Cupidon, qui est vainqueur, De ce faire me commande.
Car, de moy, je ne demande Qu'à prendre un autre subjet.
Mais quoy ! Ce premier objet Si fort contraint ma pensée, Qu'elle se trouve forcée De prendre tousjours ce ton.
Naguiere, changeant de son, Je voulois en vers décrire ÏÏAchil la fureur et Vire Contre les Troiens fuiars, Sa lance forte et ses dars Que tant craignoit V adultère ; Je fus contraint de me taire.
Car tousjours me souvenoit De celle qui detenoit,
Dedans sa prison, mon ame:
Je ne chantoy que de flamme, Que d'yeus, de cheveus orins, De ces beaus doigts yvoirins, Et de ce beau front d'albâtre Que, forcené, j'idolâtre.
Voient cela je laissay Ce que favois commencé:
Je sors du logis, et, morne, Seulet, je passe la borne Des murailles d'un chasteau.
Assis sur le bord de l'eau, Je pense avec astrolabes, *■ Ainsi que les vieus Arabes, Comprendre le tour des cieus.
Mais ce si amour furieus Me rameine en la pensée La chanson qu'axoy laissée; Je commence à y resver, A la dire, a l'engraver Au profond de ma mémoire.
Si que, jusqu'à la nuit noire Je fus a songer d'Amour; El le lendemain, le jour X'enflammoit le Ciel encore Des rais de In belle Aurore
1 Instrument de mathématiques.
Que ma plume je repris, Ma chanson et mes espris.
J'y fus toute ta journée.
Bref, je croy qu'en une année, Je ne pourroy faire un vers Sur un argument divers.
Car librement je confesse Que vos yeus, belle déesse, Peuvent sur moy tant et tant- Que mon cueur n'est pas contant Si tousjours leur beauté belle Ne me ronge la cervelle.
SONNET
Ton œil fut le premier qui causa mon malheur, Le premier qui surprit le fort de ma pauvre âme, Le premier qui luy fit sentir de quelle flamme La beauté peut gêner d'un amoureus le cueur.
Je me donnay a toy pensant que la douceur Logeoit dedans l'esprit d'une si belle dame : Mais ore je connoy le dédain qui l'enflamme, Ne pronostiquer rien qu'une fière rigueur.
Fuyez loin de cest œil, vous austres qui encore Ne sentez le vautour qui mes boiaus dévore, Fuyez loin, et jamais ne vous fiez en luy.
Je le pensoy loyal, j'ay connu le contraire; Soyez mieus avisez que moy en telle affaire: Heureus cil qui se fait sage aus dépens d'aulruy.
CHANSON
Je ne scauroy louer vostre beauté, Belle Doris, comm'elle a mérité.
Je diroy bien que vous estes semblable A Venus ou a la seur d'Apollon:
Mais quoy, Doris, vostre beauté louable Mérite bien autre comparaison!
Je ne pourroy louer vostre beauté, Belle Doris, comm'elle a mérité.
D'un or tout pur vostre tresse flamboie, Parmy cest or y sont entrelassez Mille cordons, mille filets de soie Où sont ?ios cueurs étroitement lacez.
Je ne scauroy louer vostre beauté, Belle Doris, comm' elle a mérité.
Car par quel bout commencerais-je a dire Les doits regars de ces yeus tant aimez ? La est caché ce petit Dieu qui tire- Contre nos cueurs, ses traits envenimez.
Je ne scauroy louer vostre beauté, Belle Doris, comm' elle a mérité.
Je suis contraint de sonner la retraite Quand je contemple un front sans ride et ply, Le cher séjour de la Grâce parfaite, Large et plus blanc qu'albâtre bien poly
Je ne scauroy louer vostre beauté, Belle Doris, comm' elle a mérité.
J'ay un remors qui jusqu'au cueur me touclie, Quand je désire en mes vers aimer Le beau coral de vostre tendre bouche Qui peut d'Amour les Scythes enflammer.
Je ne scauroy louer vostre beauté, Belle Doris, comm' elle a mérité.
De toutes parts, sur vostre belle face, Y sont semez les lis et les œillets.
On y voit painte une pudique Grâce Qui embellit ces couraus jumelets .
Je ne scauroy louer vostre beauté, Belle Doris, comm' elle a mérité.
Plutost nombrer pourrois-je icy les ondes, Les fleurs des chams, les poissons de la mer, Que les beautés a mille autres secondes, Qui font Doris de tout le monde aimer.
SONNET
Dans une chaise assise estoit ma dame, Tournant sa face en arrière de moy, Quand le Soleil pour croître mon émoy, Sur ses beaus y eus fit rayonner sa flamme,
De jalousie, incensé, je me pâme Voiant ce Dieu contempler a par soy La dame qui, sans connaître pourquoy, Dedaignoit tant les soupirs de mon âme.
Comme j'esloy dépit de ce refus Soudain ma dame, o dieu qu'aise je fus! Fuyant le chaud, se tourna vers ma face!
Lorsj'eu loisir de contempler ses yeus Et les nœus d'or de ses crespés cheveus. Mon cor rival me causa ceste grâce.
AUTRE SONNET
En telle sorte, o gentille metresse, Vos yens de feu, vostre gorge de lait, Vostre beau front, vostre crin blondelet, Vostre maintien digne d'une déesse,
En telle sorte, o ma chaste Lucrèce Vostre souris, vostre sein jumelet, Vostre regard fièrement doucelet, El vostre main de mon cueur piller esse;
Dedans mon cueur allume le brandon Que, jour et nuit, entretient Cupidon, Cruel bourreau de celuy qui V adore ;
Que, sans les pleurs qui coulent de mes yeus En Ions ruisseaus, je ne seroy rien, ore Qu'un corps changé en mille petits feus.
