LE COMBAT DES TRENTE

Seigneurs, or faites paix (1), chevaliers et barons, Bannerois (2) bachelers (3) et trestoux (4) nobles bons, Evesques et abbés, gens de religions, Heraulx, menestreelx et tous bons compaignons, Gentilz bons et bourgois de toutes nacions, Escoutez cest roumant |5) que dire vous voulons. L'istoire en est vraie et les dix (6) en sont bons, Comment trente Engloiz hardix comme lions Combatirent un jour contre trente Bretons :

Et pour ce j'en vueil dire le vray et les raisons, Sy s'esbatront (7) souvent gentilz bons et clarions (8). De cy jusqu'à cent ans pour vray en leurs maisons.

(l) Silence. — (2) Bannerets.— (3) Bacheliers, jeunes gens. — (4) Absolument tous.— (5) Récit en langue romane, — (6) Pluriel de dit » mot». — (7) Ainsi prendront leurs ébats, leur récréation — (8) Clercs.