M. D. LXII

Sera dressé un Bureau, pour lequel seront eleuz huict notables Bourgeois et habitans de la ville de Paris, avec lesquels assisteront, tant à la distribution des deniers que des autres afTaires, quatre Surveillans prins du corps du Consistoire : qui de mois en mois seront changez, tant pour leur soulagement que pour éviter calomnie. Et avec eux, et lesdits Bourgeois, seront encore les Diacres de l'Eglise , en tel nombre que l'opportunité le requerra.

Les dessus-dits huicts Bourgeois, ensemble les Diacres et Surveillans ayans esté eleuz au Consistoire, seront nommez et présentez au Peuple, au commencement du Presche : à celle fin, qu'en toute liberté chacun du peuple puisse ou approuver l'élection faite, ou rejetter ceux, qui luy sembleraient indignes d'un tel lieu : en proposant dedans le Samedy pour tout le jour, les causes de son opposition à l'un des Ministres de l'Eglise, ou autre du Consistoire.

Il PRECIS DE L HISTOIRE

Pour recueillir les Aumosnes, seront faites douze boittes, qui fermeront à clef: au couvercle desquelles y aura un petit pertuis en fente , garny d'une maille au dedans, pour pa«ser les deniers que l'on voudra donner : desquelles boittes les clefs seront mises es mains de l'un desdits Bourgeois eleu et choisy par lesdits députez.

Les Diacres, jusques au nombre de six, de chacun costé, tant de la Ville que de l'Université , tiendront et porteront les boittes à la fin de chacune prédication, ou les feront tenir par quelques gens de bien qu'ils pourront choisir eux mesmes, et mettre en leur lieu, pourveu qu'ils soyent présents pour recueillir ce qui sera donné pour les pauvres. Lesquelles boittes ils seront tenuz de rapporter au Bureau par chacun jour qu'il se tiendra.

Pour voir faire l'ouverture desdites boittes, et enregistrement, et réception, et distribution desdits deniers, et autres qui pourront estre aumonez, s'assembleront lesdits Bourgeois avec les Diacres, et les quatre Surveillans députez par le Consistoire, par chacune semaine au jour de Dimanche à une heure après midy précisément : et à tel autre jour et heure (lu'il sera aduisé entr'eux, au logis de l'un desdits Bourgeois, et en chacun des autres l'un après l'autre par tour selon le roolle qui en sera par eux fait.

Pour faire les choses plus fidellement et hors de tout soupçon , il sera fait un Begistre de la recepte et distribution desdits deniers, et autres expéditions du Bureau, dont n'y aura autre greffier que le Bourgeois, au logis duquel se tiendra le Bureau : tellement que chacun le fera en son tour, fors et excepté le Bourgeois, qui sera chargé de la garde des deniers : lequel ne pourra escrire ne signer ledit Registre, parce qu'il luy servira de contreroolle.

Et par chacun jour que l'on s'assemblera, sera ledit Registre signé par un desdits Bourgeois, autre que celuy qui escrira et par tour. Et des l'instant sera ledit Registre prins et emporté par celuy qui sera en son tour le Dimanche ensuyuant: à fin que l'on n'ayt occasion de penser que l'on y ait rien adjousté.

Contiendra ledit Registre par le menu la somme des deniers distribuez : A quels pauvres, Et combien à chacun, Et par quels Surveillans.

Les deniers procedans desdites aumosnes seront distribuez aux pauvres de l'Eglise, à chacun parliculieremonl selon la nécessité.