CHAPITRE VH

Comment la glorieuse Vierge Marie fut présentée au

temple pour servir à Dieu.

Tantost que saincte Anne l'eut enfantée, elle l'appella Marie , et la nourrit benignement. Et quant elle eut trois ans accomplis , Joachin et saincte Anne la portèrent en Hiérusalem au sainct temple offrir à Dieu. Et quant ilz l'eurent offerte à Dieu , ils la menèrent avec les aultres vierges qui apprenoient leurs heures

et le psaultier, et jour et nuyct elle ne cessoit de prier et rendre grâces à Dieu. Et saincte Anne dit au prestre de la loy : « Or puis-je bien maintenant, la gra ce-Dieu, venir au t An pie moy et mon mary sans répréhension. » La glorieuse Vierge Marie estoit si plaisante que tout le peuple s'en esmerveilloit. Elle alloit et parloit moult saigement et tousjours estudioyt. Jamais elle n'estoit oyseuse; estoit si saige comme si elle eust esté en Teage de trente ans , et jamais ne fut femme plus parfaicte.