CHAPITRE X

Comment la verge de Joseph Jlorit entre tous ceulx de

la lignée de Juda.

En allant, Joseph disoit à soymesme : « Levesque se mocquoit hier de moy pour ce que je n'avoye ma verge en la main , et ne l'osoye porter de grant paour qu'ils ne se mocquassent de moy pour ce que je suis vieil, mais je la porteray maintenant. » Âdonc Joseph print sa verge et s'en alla au temple , et se mist tout derrière les jeunes pour ce qu'il ne se vouloit pas fort avancer. Et quant ils furent tous ensemble, chascun d'eulx leva sa verge contremont ; et quant Joseph vit que chascun levoit sa verge, il leva la sienne. Et

incontinent qu'il l'eut levée , une colombe blanche se vînt seoir dessus , et sa verge fiit toute florie * . Quant levesque de la loy le vit, il l'appella , car il estoit derrière tous : «t Veni , Joseph 9 osiende virgam tuant* Viens , Joseph , monstre-moy ta verge. » Joseph fut tout esbahy , et s'en vint droit à levesque , portant sa verge florie en la main , dont les aultres furent tous esbahys et dirent : « Bealus est Joseph in senectute sua. O que Joseph est heureux en sa vieillesse d'avoir une si belle pucelle pour espouse! » Àdonc levesque dit à Joseph qu'il print la Vierge Marie pour femme. Et Joseph tout honteux lui dit qu'il estoit ja vieil, et qu'il ne luy appartenoit pas d'avoir une si belle fille : « Et je veuil bien que la donnez à ung aultre de ces jeunes gens. » Et levesque lui respondit : « Elle n'a peu 2 à aultre estre donnée que à toy. » Adonc Joseph print la Vierge Marie pour femme.