CHAPITRE XXXHI

Comment Joseph d'Aharimathie et Nycodemus descendirent le précieux corps de Jésuchrist de la croix.

Après que Joseph d'Aharimathie eut obtenu de Pylate licence d'enlever le corps de Jésuchrist , luy et Nycodemus se préparèrent pour le descendre de la croix. Ils dressèrent çontremont deux eschelles , Tune dessous le bras dextre \ en ycelle monta Joseph avec ung marteau et une tenaille et tyra le clou de la main dextre ; il tenoit bien fort , car il estoit moult long et estoit tant parfond en la croix qu'il ne se povoit avoir sans fort estraindre la main de Jésuchrist, mais il le faisoit à la bonne foy. Et quant il l'eut arraché , sainct Jehan, évangéliste luy fist signe qu'il luy baillast secrettement afiin que la Vierge Marie ne le veit pas , crainte que le cueur neluyamolist. Et en l'aultre eschelle, du costé senestre, monta Nycodemus, lequel pareillement à grant peine tyra le clou de la main senestre et le bailla

à sainct Jehan , afliu que la Vierge Marie ne le veit. Puis Nycodemus descendit pour tyrer le clou des pieds; et ce pendant qu'il le tyroit, Joseph d'Abarimathie soustenoyt le corps de Jésus sur ses espaules , lequel pendoit contre bas. La glorieuse Vierge Marie , voyant ceste chose , se eslevoit sur ses pieds tant qu'elle povoit pout toucher aux tnains de son chier enfant dont les bras pendoient dessus les espaules de Joseph. Quand elle les povoit toucher , elle les baisoit voluntiers en plorant et gémissant amèrement de la grant pitié et doulear qu'elle avoit. Et quant le clou fut tiré dehors , Joseph d'Àbarimathie si descendit tout doulcement de l'escbelle en soustenant sur ses espaules le -précieux corps de Jésuchrist. Et Nycodemus aydoit à le soustenir 5 et quant ilz l'eurent descendu , l'estendirent sur un beau linceul tout blanc qu'ils avoient estendu par terre.