CHAPITRE IV
Comment F ange s’apparut à Joachin , et luy annonça la conception de la Saincte Vierge.
Quant Joachin eust demouré en la montaigne avec les bergiers , l’espace de quinze moys , l’ange s’apparut à luy seul , non pas avec ses bergiers , car ilz estoyent alors loing de luy. Et quant Joachin apperceut l’ange , il eut paour ; mais l’ange luy dist : « Ne timeas , n’aye paour de ma vision, car je suis l’ange Gabriel qui te suis envoyé pour te dire que tes prières sont ouyes et tes aulmones présentées devant Dieu. Pourquoy ne t’en retournes-tu vers ta femme ? — Certes , dit Joachin , hon feray , car j’ay ja demouré vingt ans avec elle sans avoir enfans , et pour ce qu’il a pieu h Dieu que je n’en aye point eu , j’ay esté mis hors du temple de Hiérusalem à grant honte devant tout le peuple qui estoit présent; pourquoy retourneray-je veu qu’on me getta hors du temple ? Je veulx demourer ici avec mes bergiers. » Et l’ange lui dit : « Saches pour certain que je me suis aujourd’huy apparu à ta femme Anne , et l’ay trouvée en son jardin moult dolente où elle estoit en oroyson; je l’ay confortée en sa tribulation. Saches quelle concepvra une fille en laquelle Jésuchrist descendra prendre chair humaine -, et sera saincte sur toutes les aultres femmes, et se appellera Marie, et jamais ne fut la pareille et sera mère de Dieu consacrée et remplye du Sainct-Esperit et voudra tousjours demeurer au temple de Dieu, aflin que nulle personne ne puisse avoir suspection sur elle. Elle enfantera le Filz de Dieu , lequel sera saulveur de tout le monde, et s’appellera Jésus. Or descends donc des montaignes et
va liastivement à ta femme. » Adonc Joachin s’agenouilla devant l’ange et lui dit : « Puisque tu m’as si bien réconforté , je te prie que tu viennes en ma maison boire et manger , et , s'il te plaist , tu me donneras ta bénédiction. » L’ange dit : « Je ne boy ne mange de tes viandes; ce que je mange est invisible à toy ; pour ce, ne de boire, ne de manger ne me fault pas parler, mais fais sacrifice à Dieu de tout ce que me veulx donner ; car le sacrifice te pourra fort bien proufïiter au corps et à l’ame, et tantost 1 que tu l’auras faict, tu t’en retourneras devers ta femme Anne, comme je t’ay dit. » Joachin répondit : « Hélas ! vous sçavezquej’ay esté débouté et mis hors du temple de Dieu pource que je n’ay point eu d’enfans, et pour ceste cause je m’en suis venu avec mes bergiers en ces montaignes. » Et l’ange luy dit : « Ne te chaille 1 , mais fais seulement ce que je le dis. — Sire, dist Joachin , tu sais bien que je ne suis pas digne de faire sacrifice à Dieu , et si ne oseroye faire mon offrande sinon que tu donnes ta puissance. » Et l’ange répondit à Joachin : « Penses-tu que j’eussedit que tu sacrifiasses à Dieu , s’il en estoit desplaisant. »
