CHAPITRE VI

Comment Joachin et saincte Anne se trouvèrent à la Porte dorée, ainsi que l’ange leur avoit commandé.

Incontinent que Joachin fust venu à saincte Anne , elle l’embrassa en rendant grâces à Dieu de ce qu’il estoit venu ; après ils s’en allèrent en Hiérusalem et menèrent grant joye avec leurs parens et amis, et couchèrent la nuyet ensemble , et , en crainte de Dieu et révérence, eurent compaignie l’ung avec l’autre , et fut conceue la benoiste Vierge Marie par la grâce de Dieu ainsi qu’avoit dit l’ange Gabriel. Quant saincte Anne eut porté la glorieuse Vierge Marie par l’espace de neuf moys, elle enfanta.