CHAPITRE XUI

Comment la Vierge Marie alla visiter saincte Elizabeth.

Adonc il souvint à la Vierge Marie de ce que l'ange Gabriel luy avoit dit de sa cousine Elizabeth. Et après elle alla avec son mary en l’hostel de Zacharie, père de sainct Jehan-Baptiste. Quant elle fut en la maison , elle salua saincte Elizabeth , et dist : « Salve , soror Elizabeth. » Saincte Elizabeth se leva toute enflambée de la grâce du Sainct Esperit , pleine de joye et lyesse de la venue de la glorieuse Vierge Marie , et s’embrassèrent doulcement d’une très grande amour ; et saincte Elizabeth dist : « Benedicta tu inter mulieres , et benediclus fructus ventris tuis ; tu es benoiste sur toutes les aultres femmes, et benoist est le fruit de ton ventre. El undè

provenit hoc mihi ut veniat mater Domini ad me. Ecce dum oox salutationis tue 1 fada est in auribus meis, exultant infans in utero meo. Et dont vient ce que la mère de Dieu vient à moy , et me faict l’honneur de me venir veoir en mon hoslel? Doulce Vierge Marie, quant vous m’avez saluée , mon enfant que j’ai en mon Ventre, s’est agenoillé devant vous. » Adonc la Vierge Marie dist : Magnificat anima mea Dominum , etc. Et après elles s’assirent ensemble, et tantost 1 Nostre- Dame demanda à sainte Elizabeth comment elle avoit conceu , et elle luy compta tout, et dcmoura la Vierge Marie troys moys en l’hostel de Zacharie jusques à ce que saincte Elizabeth eut enfanté saint Jehan-Baptiste.