CHAPITRE XX.QI
Comment la Vierge Marie , Joseph et T enfant Jésus arrivèrent en Egypte , et ce qui s'y passa.
Quant ilz furent dedans la cité de Egypte , ilz s’en allèrent tout droit au temple où ilz firent moult dévotement leur oroyson. Après qu’ilz eurent assez prié, ilz cherchèrent logis par toute la cité , mais nul ne tenoit compte d’eulx , car nul ne les congnoissoit ; ilz en furent moult dolens et courroucez pour l’amour de Jésuchrist , lequel estoit jeune et tendre , et s’en retournèrent au temple auquel avoit troys cens soixante et cinq ydoles qui tombèrent incontinent par terre et rompirent en pièces.
Quant Effroidoyre, prince de Egypte, sceut les nouvelles que les ydoles esloient tombées par terre et rompues par pièces, il en fut moult dolent et courroucé, et incontinent il s’en alla au temple avec grant compaignic de gens. El quant ilz furent dedans le temple, ilz veirent et congneurent la vérité. Effroidoyre et tons ses gens furent moult esbahys , car nul ne les avoyt faict tomber, mais d’elles-mesmes tombèrent par la volunté de Dieu. Quant il veit le miracle , il fut tout esbahy comment il pouvoit estre advenu , et que nul ne les avoit faict tomber. Après il s’en vint à la Vierge Marie et incontinent adora Jésuckrist comme souverain Dieu , dont tout le peuple d’Egypte creut en Jésuchrist et fut baillé par Effroidoyre ung bel hostel , et n’en voulurent point fors seullemeut une petite maison en laquelle ilz demourèrent sept ans entiers povrement et simplement ; et là vivoient de ce que la Vierge Marie filloit , tissoit et cousoit. Il n’y avoit femme au monde qui si bien fillast, ne si bien fist quelque chose appartenant à femme qu’elle faisoit. Et quant les dévotes femmes de la cité veirent lagrant povreté de la Vierge Marie, elles luy faisoyent du bien et la secouroyenl en ses nécessitez 5 et la Vierge Marie les remercioit humblement de tous leurs biens. Le bonhomme Joseph charpcntoit et bcson^noit tousjours , car ce nonobstant qu'il fust viel , si fàisoit-il tousjours ce qu’il povoit pour vivre.
