CHAPITRE XXV
Comment Joseph retourna avec t enfant et sa mère en Nazareth après la mort de i dérodes .
Quant Joseph fut esveillé , il compta tout à la Vierge Marie ce que l’ange luy avoit dit. Incontinent ilz prindrenl Jésus et le mesnaige, et Nostre- Dameprinl congié des voysins , et ceulx d’Egypte la convoyèrent une grant partie du chemin et estoyent bien dolens qu’itz s’en estoyent allez.
Quant ilz furent près de Hiérusalem , ilz eurent nouvelles qu’il y avoit ung aultre roy couronné qui s’appclloit Hérodes comme son frère •, ilz eurent paour et ne voulovent pas aller en Hiérusalem , mais allèrent en Nazareth où ilz demourèrent paisiblement jusques à ce que Jésuchrist eust douze ans. Cum Jésus esset annorum duodecim, ascendit cum parentibus Hierosoly mam. Quant Jésuchrist eut douze ans, il s’en alla avec Joseph en Hiérusalem ainsi qu’ils avoyent de coustume pour la feste. Et quant ilz eurent visité le temple, Jésuchrist se mussa 1 de ses parens. Joseph n’estoil pas avec Nostre-Üame, et Nostre-Dame cuydoit que Jésuchrist fust avec Joseph, et pareillement Joseph cuydoit que Jésuchrist fust avec la Vierge Marie.
* Se cacha.
CHAPrTRK XXVI.
Comment la Vierge Marie et Joseph estoient dolens
quant ilz eurent peidu leur enfant Jésus, et comment
Hz le trouvèrent au milieu des docteurs.
La Vierge Marie s’en retourna en son hostel avec les femmes de Nazareth, et Joseph avec les hommes, et demanda à Nostre-Dame où elle avoit laissé Jésus ; et elle respondit: « Je cuydoye qu’il fust avec vous. — Non est, » dit-il. Quant la Vierge Marie veit que Joseph ne sçavoit là où il estoit , elle fut fort esbahye , et demanda à ses voysins et voysines se ilz l’avoyent point veu, et ilz respondirent que non. Et tantost la Vierge Marie ét Joseph cherchèrent partout , mais ilz ne le pouvoyent trouver. Adonc ilz s’en retournèrent en leur hostel veoir s’il y estoit retourné, et ilz ne le trouvèrent point. « Hélas ! Joseph , dit la Vierge Marie , où est allé mon enfant? — Je ne sçay, dit Joseph, je cuydoye qu’il fust avec vous. — Non est, dit-elle; hélas! pouvre dolente, que feray-je de mon chier enfant que j’ay ainsi perdu? Hélas! où le trouveray-je ? Se les Juifz l'ont trouvé, je double qu’ilz ne l’ayent prins pour ce que le roy Herodes le vouloyt tuer. » Et la doulce Dame plouroit et se desconfortoit tant que c’estoit grant pitié de la veoir. « Hélas! dist-elle, je voy bien que j’ay mal gardé mon enfant quant je n’en ay milles nouvelles. » Et en se desconfortant pasma de douleur. Joseph aussi se desconfortoit de la perte de l’enfant et de la douleur de la mère. « Hélas! dist Marie, mon enfant, je crois que vous estes retourné au ciel vers vostre Père; plaise-luy donc de vous garder de mal et qu’il vous plaise venir bientost à moy pour veoir la grant douleur que je porte pour vous. »
Joseph dist : « Marie, allons en Hiérusalem sçavoir si nous trouverons Jésus, » II allèrent droit au temple, et là trouvèrent Jésuchrist qui estoit au meilieu des princes de la loy, lesquels l'inlerroguoient , et il leur respondoyt si bien que les docteurs et princes de la loy estoient tous esmerveillez, car il leur respondoyl vivement et à toutes gens aussi ; et videntes admirati sunt. Sur ce arriva la Vierge Marie et Joseph , lesquclz rendirent grâces à Dieu dccc qu’ilz avoyent trouvé Jésuchrist, lequel quant il veit sa mère qui ploroit incontitinent vint à elle. Et ipsa consolalti est dulciter; et la Vierge Marie l’embrassa et baisa doulcement et luy dist: « Pourquoy nous avez-vous faict tant plorer, en quel lieu estiez-vous en Hiérusalem? Ecce ego et pater tuus dolentes quærebamus le ; saiches, mon enfant, que Joseph et moy te avons tant cherché que à peine nous pouvons nous sousleuir. » Jésuchrist leur respondit : « A quoy me quérez-vous, et pourquoy me plorez-vous? An nesciebatis quod in liis que sunt Patris mei oportet me esse; ne sçavez-vous pas bien qu’il me falloil icy estre pour accomplir la volunté de mon Père? » llz n’entendoient pas ce qu’il vouloit dire, et Nostre-Dame luy dit : « Mon très doulx filz, allons en nostte hostel.» Jésuchrist respondit : « 11 me plaist, mère, allons. » Adonc Marie , Joseph et Jésuchrist partirent de Hiérusalem et allèrent en Nazareth là où ils demourèrent certain temps.
