CHAPITRE XXVII
Comment la glorieuse Vierge Marie et Joseph se contenoyent avec Jésuchrist en son jeune eage.
Nous ne trouverons point en toute la Sainte Escrîpture que Jésuchrist se démonstrast , dont je m’esmer-
veille qu’il faisoit adonc en cclluy temps, s’il demouroit tousjours sans riens faire? Non, car il alloit au temple veoir la synagogue des Juifz, et là il demouroit en oroyson, puis retournoil vers la glorieuse Vierge Marie. Et Joseph faisoit tousjours son mestier en gaignant sa vie, et Nostre-Dame habilloit1 à boire et à manger et pour eulx troys seullement , car tous les jours beuvoient et mangeoient ensemble à une table-, mais ilz ne couchoient pas ensemble ; car chacun d’eulx avoit sa petite couche pour prendre son repos. Et ainsi que Jésuchrist croissoit , il demoura avec eulx depuis qu’il eut douze ans jusques à trente.
Completut igitur Christus viginti novem annis
œtatis suœ malri dixit : « Tempus est ut ostendam me in mundo ; » et quant Jésuchrist eut vingt-neuf ans, il dist à sa mère : « Il est temps que je me monstre au monde, allin que je accomplisse le salut du monde pour lequel Dieu mon pèrb m’a envoyé au monde. Confortetis igitur, mater charissima ; et pour ce , trèschière mère, coufortez-vous , car je viendray tantost à vous. » Mater cum lachrymis amplectebalur dulciter f ilium , et la Vierge Marie en plourant embrassoit doùlcement son chier fllz en disant ainsi : « FUi mi, estote memor mei ; mon très-doulz (ilz , souvienne- vous de moy et revenez tatitost. »
Et Jésuchrist s’en alla tout seul, car il ne avoit point çncor de disciples , et alla tant qu’il vint au fleuve de Jordain , demandant l’aulmosne , car il n’avoit denier ne maille ; et ce faisoit-il pour nous monstrer exemple que nous debvons fuyr avarice, car l’avarice de ce
' Préparait .
monde n’est que damnation éternelle ; non enim portahal pecunias.
Adonc Jésuchrist fut baptizé au fleuve du Jordain par sainct Jehan- Baptiste; ensuite il jeûna la quarantaine au désert , puis fut tenté par le Dyable; après quoy voulant retourner devers sa mère, il descendit de la montaigne , vint tout droit au fleuve Jordajn où cstoit sainct Jehan Baptiste qui aussitost qu’il le veit, le monstra au doy aux aultres disciples en disant : « Ecce A gnu» Dei qui tollit peccala mundi , voyez là l'aignel de Dieu , lequel aignel racheptera tous les péchez du monde; c’est celuy duquel j’ay tousjours parlé, posl me venil qui antè mefactus est ; il vient après moy ung homme qui est faict devant moy. » Par après , les disciples de sainct Jehan-Baptiste vinrent à Jésuchrist qui les receupt benignement, puis leur dit : « Allez devers voslre maistre Jehan-Baptiste. Quant ilz s’en fureut allez, Jésuchrist s’en alla en Nazareth devers la glorieuse Vierge Marie. Et quant elle le veit venir à elle, elle le congneut bien, et s’en vint tout droit vers luy pour l’embrasser , et le baisa et luy fit la plus grande ehiere qu’elle peut, car elle eut moult grant plaisir et grant joye de sa venue. Et après que Jésus fut retourné vers sa précieuse mère , il commença à prescher en soy desmontrant à tout le peuple.
Peu de temps après , Jésuchrist alla quérir sainct Pierre et sainct Andry et leur dist : « Venez après moy pour accomplir mon œuvre. » Adonc sainct Pierre et sainct Andry allèrent après Jésuchrist et commencèrent à ouyr et apprendre sa doctrine. Jésus appella une aultre foys sainct Jacques et sainct Jehan l’évangéliste , et allèrent pareillement après luy et l’ouyrent prêcher et prindrent sa doctrine ; puis il appella sainct
Philippe et sainct Mathieu, lesquelz le suyvirent et ouyrent ses semions. Les auhres demourèrent avec sainct Jehan-Baptiste.
