CHAPITRE XXX

Comment la Vierge Marie fut desconfortée quant elle veit son enfant Jésus ainsi maltraicté.

Or est icy à considérer en quel point estoit la désolée et piteuse mère de Dieu , laquelle estoit en la presse des gens , et n’avoit encores pas veu comment son trèschier enfant estoit cruellement cloué et percé ses pré-

cieuses mains et piedz, jusques elle icveit lever en l’aer. Adonc elle leva les yeux en hault et de tout son pouvoir passa parmi la presse tant qu’elle approcha de la croix. Elle èstoit toute souillée de la forant foule du peuple, et si que à grant peine se povoit soustenir. Elle désiroit fort approcher de la croix pour l’embrasser et baiser les pieds de son chier enfant ; mais pour la grant tristesse et desconfort qu’elle eut de le veoir ainsi maltraiclé, le cueur luy faillit, et tomba pasmée comme morte ; et là dcraoura en la presse toute souillée, jusque» à ce que sainct Jehan évangéliste , Marie Magdalaine et ses deux sœurs la relevèrent à granl peine ; et quelque soustenement qu’ilz feissent, tousjours tomboit et se pasmoit, et longtemps demoura ainsi sans mot dire.