CHAPITRE XXXI
Comment la croix de Jésuchrist fut faicte et comment
V éro nique eut la précieuse face du Saulveur, etc.
Nicodemus racorapte que quant les Juifz furent au lieu où Jcsuchrist devoit estre crucifié , ils eurent besoing d’ung charpentier pour faire la croix , et la firent en maniéré d'ung marteau , car elle n’avoit point de chief par dessus , et dirent que sans s’arrêter met troient Jésuchrist entre deux larrons. Adonc les faulx Juifz estendirent la croix sur la terre et mirent Jésuchrist dessus et le clouèrent par les mains et par les pieds , puis cherchèrent une fuste en quoy ils pourroient ficher la croix.
Adonc une bonne femme de Hiérusalem qui estoit meselle 1 et avoit nom Véronique , veil Jésus estendu
en la croix dont elle fut moult courroucée et mena grant deuil. La Vierge Marie la regarda et en eut grant pitié, et luy demanda qu’elle avoit, et clic dit : « Dame, je suis fort malade de mesellerie et cuydoye que Jésus , par sa grâce et vertu me guerist, et maintenant je le voy estendu et cloué en croix en manière qu’oneques homme ne fut mis ; je ne cuydoye jamais guérir que par luy et y avois toute ma fiance. » La Vierge Marie luy dit : « Femme , baille moy ce drap que tu portes en ton chief. » Véronique lui bailla, etestoit en manière de touaille. La Vierge Marie le toucha à la face de Jésus qui suoit de douleur, et la semblance de la face de Jésus demoura en la touaille , puis elle la bailla à la Véronique et luy dit : <i Femme, n’ayes paour ; car lu 'seras tantost guérie. » Elle la print et en toucha sa face , puis elle fut guérie , et de grant joye se print à crier louant Dieu et monstrant le miracle , doot les Juifz la vouloyent battre, mais Nycodemus l’en garda.
Tantost vindrent ceux qui estoient allés quérir la fuste de la croix , et vindrent à grant compaignie et prindrent la croix où estoit Jésus et la levèrent en hault entre les deux larrons, Dismas à dextre et Gestas à sénestre. La croix de Jésus estoit plus haulte que les aultres. Au dessus , Pylate avoit escript : « Jésus de Nazareth, rot des Juifs, en grec, en hébreu et en latin. Les Juifz dirent qu’il n’estoit pas roy des Juifz ; mais Pylate dit : ce qui est escript est escript. Puis Dismas dit à Jésus : « Sire , ayez mercy de moy , » et Gestas dit à Dismas : « Ne voys tu pas bien qu’il ne se peult ayder ; comment nous ayderoit-il ? » Jésus dit à, Dismas : « Aujourdhuy seras en paradis avec moy. » Puis dit : « Tout ce que les prophètes ont prophétisé de moy est accomply , » et inclina le chief à sa mère et
dit : « Femme , voicy ton enfant, en parlant de sainct Jehan évangéliste, » puis dit : « Jehan, voicy la mère, je te la recommande, et que lu luy soyes fils et gouverneur, et qu’elle soit la mère. » Adonc sainct Jehan benignement la receut, et Jésuchrist pria son Père et luy dit : « Père , pardonne à ces gens qui me donnent tourment , ils ne scavenl ce qu’ils font. » Et quant vint à l’heure de none , Jésus , après avoir getlé un cri , inclina son précieux chiel et mist l’esperit hors du corps, Adonc la terre trembla , les pierres se fendirent , le soleil et la lune perdirent leur lumière , les morts se levèrent des monumens, et la vole du temple et la courtine rompirent, et fut de moult grandes obscurités, si que chascun cuidoyt estre morl.®
. * r fc.,
