MÉMOIRE DE G. AUDE, POUR ÉPICES, VACATIONS , GRATIFICATIONS
(Trésor des chartes de Bretagne, E 196.)
Parties et sommes de deniers baillées et distribuées par moy Guillaume Audé, commis a tenir le compte du procès meu entre le procureur du Roy et le sire de Gyé, Pierre de Rohan, pour le voiage de Tholose assigné au huityesme jour d apres la Sainct Martin , en 1 an mil cinq cens et cinq; lesquelles j’ay baillé par ordonnance de messeigneurs les présidant de Bretaigne, Mrc Maure de Quiuquevelic, messire Alain
Marcé, seneschal de Renes, Mc Guillaume Macé, prevost de Nantes, et messire Gilles Le Rouge, bailly de Loches, conseilliers du Roy et de la Royne.
Et premièrement :
A Me Georges de Ulmeris, conseiller du Roy, noslre sire, en sa court de parlement, a Tholose, ay baillé la somme de vingt et neuf escus d’or au solleil, pour le rembourser d’aucune consultation qu’il avoit fait pour ledit procès, pour ce, cy . xxix escus.
A sieur Etienne de Ulmeris, marchant de Tholose, ay baillé la somme de deux cent soixante escus d’or au solleil et douze sols six deniers tournois, pour le rembourser de pareille somme qu’il dit avoir baillée par ordonnance de mesdits seigneurs, pour ce, cy . cc lx ecus xn sous vi den.
A monsieur le grelïier de la court, pour especes mises entre ses mains, pour bailler a celuy qui a raporté ledit procès, la somme de cent escus d’or solleil , pour ce, cy . c escus.
Audit greffier, pour ses paines et vaccacions, la somme de vingt cinq escus solleil, pour ce . xxv escus.
Pour les clers dudit greffier, aussi pour leurs paines, la somme de dix escus solleil, pour ce . x escus.
A monsieur Boesse, maistre d’hostel de la Royne, sur ses vaccacions, la somme de cinquante escus soleil . l escus.
A monsieur le procureur dudit seigneur en ladite court, pour semblable vacacion, la somme de trente escus d’or au solleil, pour ce, cy . xxx escus.
Pour une consultation, faicte par mesdits seigneurs le president de Bretaigne et ses compaignons, le xxc jour de janvier derrenier passé, lesquelx appellerait les gens du Roy et autres plusieurs conseillers, dont les sept eurent chascun deux escus d’or solleil, pour [ce, ] cy xiv escus.
Aux clers dudit avocat et procureur du Roy, chascun ung escu, pour ce, cy . u escus
A monsieur de Pavye, pour le rembourser de partie d aucune perte
EXÉCUTION DE LA SENTENCE. — III
qu’il a voit, fait a Paris par son serviteur qui le desroba, ledit sieur de Pavye étant au service du Roy pour ledit procès, la somme de cent escus d’or solleil, pour ce . c escus.
A Carcassonne, huyssier de ladite court, qui alla apres ledit de Rohan luy fere commandement de payer la somme de deniers, en laquelle avoit esté condamné restituer pour les mortes payes de Fronssac, la somme de trois escus d’or au solleil, pour ce, cy m escus.
Pour la despence de quatre chevaux qui ont esté mis sus le chemin de Tholose a Bloys, pour fere scavoir nouvelles dudit procès a la Rovne, et pour la despence de deux hommes qui les ont menés et gardés depuis le xe jour de janvier jusques au vingt deuxiesme de février derrenier passé, et pour la poste sur lesdits chevaulx, ferrures et autres choses, durant ledit temps, la somme de vingt huit escus, pour ce . xxviii escus.
A Marsault Beyne, pour estre allé en diligence devers monseigneur De Prato, partant de Tholose, pour aller a Yssoyre et retourner audit Tholose, huit escus solleil, pour ce, cy . viii escus.
A Guillem Le Sec, pour estre allé dudit Tholose a Bloys, devers la Royne, luy porter lettres de mesdits seigneurs, et pour son retour, douze escus solleil, pour ce, cy . xn escus.
Item, ay baillé a mesdits seigneurs la somme de quarante escus d’or solleil, pour distribuer a aucuns qui ont servy en ceste matière, pour ce, cy . xl escus.
Les parties et sommes de deniers cy dessus, escriptes en ung fueiliet et demy de papier, montant lesdit.es parties ensemble la somme de sept cens soixante unze escus d’or au solleil et douze solz six deniers tournois, ont esté baillées par Guillaume Audé, par ordonnance el commandement de nous soubzsignés.
Fait le xxye jour de feuvrier, l’ail mil cinq cens et cinq.
M. de Quenechquevelic. — Alain Marge.
G. Macé. — G. Lerouge.
