ARRESTATION DE DEUX ARCHERS DE LA COMPAGNIE DU MARÉCHAL
(Trésor des chartes de Bretagne, E 19a , n° 2.)
Aujourd’huy, vingt deuxiesme jour de décembre, l’an mil cinq cens et deux.
Ont esté renduz prisonniers au chasteau de eeste ville de Tours Michel Rolland, dit Boisjoly, et Henry de la Couldroye, archiers de la compaignie de hault et puissant seigneur le sire de Gyé.
Lesqueulx ont esté envoyez par noble homme Jehan Moreau, lieutenant du capitaine du chasteau d’Ambovse , en ensuyvant l’ordonnance de la court (1).
Fait a Tours, les jour et an que dessus, par nous Guillaume Sireau, licencié en loix, conseillier du Roy notre seigneur, juge et lieutenant general de monseigneur le bailly de Touraine, et Mery Lopin, aussi licencié en loix et lieutenant general de monseigneur le bailly d’Amboyse, commissaires en ceste partie. — G. Sireau. — Lopin.
Donné pour copie, extraicte de son original estant devers la court.
A signé : Michablis.
W Voir ci-dessus, pages 283, 38o et suivantes. Ces archers étaient inculpés du meurtre d’une femme à Amboise.
AFFAIRE DE LA TUTELLE DE MADEMOISELLE DE MAILLÉ (l).
Paris, 3 août i5o3.
DIRE DU PARLEMENT DE PARIS, quil y a lieu de fixer la résidence de Françoise de Maillé.
(Copie moderne à la Bibliothèque nationale, fonds français, registre n° 16A17, à la date.)
Du jeudy, troisiesme jour d’aoust mil cinq cens trois.
La cour a, ce matin, mandé maistre Yves Brinon, procureur du seigneur de Gié , mareschal de France, et Jean Le Breton, procureur du seigneur de Loué, et son filz, et leur a enjoinct qu’au lever de ladicte court ilz viennent devant M° Thibaut Baillet, president, pour accorder entre eux de lieu convenable auquel sera mis damoiselle Françoise de Maillé, que on amene en cette ville, en ensuivant Tarrest de la cour.
Et cependant a esté ordonné par ladicte cour que ladicte damoiselle ne descendra au logis ne communiquera avec la duchesse de Nemours, et a ladicte court enjoinct audict Brinon que ladicte ordonnance il signiffie aux gens dudict seigneur de Gié.
Paris, h août i5o3.
