I. Sy elle nentendist pas parler lesdits démons qui

disoient dans le corps de ladite fille et quils dirent: Voicy la Michée nostre maistresse? — R. Que non quelle n’y a pas ouy.

J. Sy elle nefust pas le soir mesme quelle porta le dit linge dans ladite maison encor voir ladite fille environ les huict heures? — R. Estre vray quelle y fust mais qu’on l’envoya querre (chercher).

J. Sy en entrant dans la dite maison elle cria pas mercy a la fille Royaume qui estoit tourmentée des démons? — R. Que non bien est vray quen entrant elle dict Dieu soit céans.

I. Sy incontinent quelle fust entrée dans ladite chambre ladite fille demeura comme morte sans bouger ny parler ? — R. Quelle ne la vid en aucune action.

I. Sy ceux qui estoient dans ladite chambre ne luy dirent pas quelle devoit oster les malins du corps de ladite jeune fille? — R. Quouy auxquels elle respondit quelle ne pouvoit ce faire pour n’en avoir la puissance.

I. Sy incontinent après les dits malins qui estoient dans le corps de la dite fille ne parlèrent pas luy disant quelle leur donnast de son pain, beurre et sel pour leur faire un bouillon et ils sortiroyent du corps de ladite fille? — Quouy et quelle dist quelle n’avoit que faire de leur rien donner du sien pour n avoir faict aucune offence à ladite fille.

I. Sy ceux qui estoient là présents se mirent pas à faire après la prière? — R. Quouy.