IV

Digiti

Or, retournons aux François quy estoient devant Beaugensi ; et dirons des Ânglois quant lieu et temp^ sera.

Cbap. Xin ( LXl de Moosirelet). -^ Comment les FraDÇois eurent par composition le chastel de Beaugensi, que tenoient les Anglois , et de la journée que les Anglois perdirent à Pathai contre les François- Gomme vous avez oy, les Anglois estoient logiez à Meun, et les François devant Beaugensy a siège, où ilz constraignoient moult fort la garnison de dedens , en leur faisant entendre que le secours quMlz atendoient [ne vendroit pas] ; leur faisant entendre aussi qu ilz s'en estoient l'etournez vers Paris. Laquele chose voiant et oiant lesdis assegiés, avec autres pluiseurs samblables parolles que leur disoient les François, ne sceurent pas bonnement euquel parti de conseil eulz arrester pour le meilleur et plus proufTitable; considérant que par la renommée de Jehanne la Pucelle , les courages anglois estoient fort altérez et faillis. Et véoient, ce leur siïimbloit , fortune tourner sa roe rqdement à leur contraire (car ilz avoient desja perdu pluiseurs villes et forteresses qui s'estoient remises en Tobéissance du foy de France, principalement par les entreprinses de ladite Pucelle , les ungz par force , les aultres par traitié); si véoient leurs gens amatls, et ne les trouvoient pas maintenant de tel ou si ferme propos de prudence qu'ilz avoient acoustumé; ains estoient tous, ce leur sambloit, trèsdesirans d'eulz retraire sur les marches de Northmandie, habandonnant ce qu'ilz tenoient en risle de France et là environ.

Toutes ces choses considérées et autres pluiseurs qui sourvenoient en ]eiu*s ymaginations, ilz ne sçavoient

Digiti

quel conseil eslire, car ilz n'estoient pas adcertenez d'avoir brief secours; mais se i]z eussent sceu qu'il estoit si prez d'eulz y ilz ne se feussent pas si tost rendus. Touteffois finablementy toutes considérées les doubtes que ilz admetoient en kur fait, firent traitié aux François au mieulx qu ilz peurent, par condition que saulvement s'en yroient et emmenroient tous leurs biens , et la place demourroit en l'obéissance du roy Charles et de ses commis.

Lequel traitié ainsi iait, le samedy au matin se départirent les Anglois , prenant le chemin vers Paris tout parmy la Beausse , et les François entrèrent dedans Beaugensy. Puis prindrent conclusion , par l'enhort de la Pucelle Jehanne, que lors yroient querant les Anglois jusques à ce qu ilz les auroient trouvez en plaine Beausse, à leur avantage, et que là les combateroient; car il n'estoit pas doubte que les Anglois, quant ilz sçauroient la reddition de Beaugensi, ne s'en retournassent parmy la Beausse vers Paris, où il leur sambloit qu'ilz en auroient bon marchié.

Or doncques lesdis François, pour parvenir à leur emprinse, se misrenl auz plains champz. Si leur aplouvoient et venoient chacun jour gens nouveaulz de lieux divers. Si furent adont ordonnez le connestable de France , le marissal de Bousac, La Hyre, Pothon et autres capittaines, à faire Tavant-gartle; et le sourplus comme le duc d'Alenchon, le bastard d'Orlyens, le marissal de Rays, estoient les conducteurs de la battaille etsievoient assez de prez ladite avant-garde. Si povoient estre yceulz François en tout de xii à xiii mille combataus. Si fut lors demandé à la Pucelle par aulcuns des princes et principaulz capittaines la eslans, quel

Digiti

chose il luy sembloit de présent bonne à ûiire. Laquelle respondy qu'elle estoit certaine et sçavoit veritablement que les Anglois, leurs annemis^ les atendoient pour les combatre ; disant oultre que, ou nom de Dieu, on chevaulchast avant contre eulz, et qu'ilz seroient vaincus. Aulcuns luy demandèrent où on les trouveroit : ausquelz elle fist responce qu'on chevaulchast sceurement et que l'on auroit bon conduit. Si se misrent les battailles des François à chemin çn bonne ordonnance, aiant les plus expers, montez sur fleurs de chevaulz jusques a lx ou iin^ hommes, misdevantpour descouvrir. Et ainsi par longue espace chevaulchant ce samedy, estoient assez prez de leurs annemis les Anglois, comme cy après. porrez oyr.

Quant doncques les Anglois qui s'estoient logiés à Meun, ainsi comme il a esté dit cy dessus» enintencion de guaignier le pont, adfin de rafreschir de vivres la garnison deBeaugensy qui dès le sçir devant s'estoient rendus auz François (dont lesdis Anglois ne sçavoient rien, car ce samedy, environ huict heures du matin que les capittaines eurent oy messe, il fut cryé et publié parmy Tost que chascun se préparait et misten point, garni de pavaix, huys et fenestres, avoec autres habillemens nécessaires , pour assaillir ledit pont qui la nuit paravant avoit esté ruddement battu de nos engiens) : si advint , ainsi comme tous estions garnis de ce que besoing nous estoit pour l'assault et prestz a partir pour commencier, que droit à ceste heure arriva ung poursievant, lequel venoit tout droit de Beaugensy.Si dist aux seigneurs, nos capittaines, que ladite ville et chastel de Beaugensy estoient en la main des

Digiti

François et que, dès qu'il papty, ilz se mettoient auz champz pour les venir combattre.

Alors fut prestement commandé en tous les quartiers par les capittaines angiois, que toutes manières de gens laissassent Tassault; sy se tyrast on aux champs; et que, à mesure que on isteroit auz champz hors de la ville, chascun en droit soy se meist en ordonnance de belle battaille. Laquele chose fut faite moult agréement. L'advant-garde se mist premiers à chemin , laquelle conduissoit ung chevallier anglois quy portoit ung estandart blancq; puis mist on entre l'advantgarde et la battaille, l'artillerie, vivres et marchans de tous estas. Âprez venoit la battaille dont estoient conducteurs messire Jehan Fastre,'le seigneur de Thalbot, messire Thomas Rameston et autres. Puis chevaulchoitl'arrière-garde, quyestoitdepurains Âuglois* Quant cesle compaignie fut auz plains champz, on prinst le chemin, chevaulchant en belle ordonnance, vers Pathay, tant que l'en vint à une lieue prez; et illec s'arrestèrent , car ilz furent advertiz à la vérité par les coureurs de leur arrière-garde, qu'ilz avoient veu venir grans gens aprez eulz, lesquelz ilz esperoient estre François. Et lors , pour en sçavoir la vérité , les seigneurs anglois envoièrent chevaulchier aulcuns de leurs gens; lesquelz lantost retournèrent et firent relation ausdis seigneurs que les François venoient aprez eulz raddement chevaulchant, une moult grosse puissance : comme assez tost aprez on les vey venir. Si fut ordonné par noz capittaines que ceulz de l'advant-garde, les marchans, vitailles et artillerie yroient devant prendre place tout au long des haies qui estoient aiiprez de Pathay. Laquelle chose fut ainsi

Digiti

faite. Puis marcha la battailie tant que on vint entre deux fortes hayes par où il convenoit les François passer. Et adont le seigneur deThalbot, Toiant ledit lieu assez adTantageuz^ dist qu'il descenderoit à pie à tout V cens archiers d'eslite , el que là se tendroit, gardant le passage contre les François, jusques à tant que la battailie et Fan^ière-garde serroient joinctes. Et prinst ledit Thalbot place auz hayes de Fathay, arec Tavantgarde quy là les atendoit. Et ainsi le seigneur de Thalbot gardant cest estroit passage à Tencontre des annemis, esperoit de soy revenir joindre avec la battailie en costoiant lesdittes hayes, voulsissent ou non les François; mais il en fut tput autrement.

Moult radement venoient les François aprez leurs annemis, lesquelz ancores ilz ne povoient pas choisir, ne ne sçavoient le lieu où ilz estoient , tant que d'aventure les avant-coureurs veyrent ung cherf partir hors des bois, lequel prinst son chemin vers Pathay et 8*en alla ferre parmy la battailie des Angloi^ : par quoy ilz eslevèrent ung moult hault cry, non sachant que leurs annemisfeussent si prez d'eulz. Oyant lequel cry les dessus dis coureurs françois, ilz furent adoertenez que o'estoient les Anglois, et aussi les veyreni tost aprez tout plainement. Si envolèrent aulcunz compaignons nonchjer à leurs capittaines ce qu'ilz avoient veu et trouvé , en leur faisant sçavoir que par bonne ordonnance ilz chevaulchasseiît avant, et qu'il estoit heure de besongnier. Lesquelz promptement se préparèrent de tous poins et chevaulchèrent tant qii'ilz veyrent tout plainement yceulz Anglois.

Quant donc lesdis Anglois veyrent les François eulz ^prochier de si prez, ilz se hastèrent le plus qu'ilz

Digîtized by VjOOQ IC

peurenty adfin de euiz joindre auz hayes avant leur Tenue; mais tant ne sceurent exploitier que, avant ce qae ilz feussent ensamble joinctz è$dite& hayes à leur avant^arde, les François s'estoient feruz à l'estroit passage où estoit le seigneur de Thalbot. Et alors messire Jehan Fastre tyrant et chevaulchant vers Tavant-garde pour se joindre avec eulz^ ceulz de la dite avant-garde Guidèrent que tout fust perdu et que les battailles fuissent. Pour quoy ledit capittaine de Tavant-garde^ cuidant pour vérité que ainsi feust, à tout son estandart blancq, luy et ses gens prindrent la fuite et habandonnèrent la haye.

Âdont messire Jehan Fastre ^ volant le dangier de la fuite ^ congnoissant tout très mal aller, eut conseil de soy sanlver. Et luy fut dit, moy acteur estant présent , qu'il prensist garde à sa personne , car la battaille estoit perdue pour eulz. Lequel à toutes fins voulloit rentrer en la battaille et iliec actendre l'adventure tele que Nostre Seigneur luy voiroit envoier ; disant que mieulz amoit estre mors ou prius que honteusement fuyr et ainsi ses gens habandonner. Et anchois qu'il se volsist partir, avoient les François rué jus le seignem^ de Thalbot, lui prins prisonnier et lous ses gens mors. Et si estoient dès jk, lesdis François si avant en la battaille que ilz povoient à leur voullenté prendre ou occire ceulz que bon leur sambloit. Et finablement les Ânglois y furent desconfis à peu de perte des François. Si y morut de la partie de^Jis Anglois bien deux mille hommes et deux cens prisonniers.

Ainsi comme vous oez alla ceste besogne. Laquele chose voiant messire Jehan Fastre , s'en party moult

Digiti

envis à moult petite compaignie, démenant le plus grant duel que jamais veisse faire à homme. Et pour vérité , se feust reboutté en la bataille , se n'eussent esté ceulz quy avec luy estoient^ especialement messire Jehan y bastard de Thian^ et autres quy Ten destourbèrent. Si prinst son chemin vers Estampes, et moy je le sievis comme mon capittaine, auquel le duc de Betfort mavoit commandé obéyr et mesmes servir sa personne. Si veînsmes environ heure de myenuit à Estampes, où nous geusmes, etl'endemain à Corbeil.

Ainsi comme vous oez, obtindrent François la vietore audit lieu de Palhai où ilz geurent ceste nuit, regracîant Nostre Seigneurde leur belle adventure. Et Tendemain se deslogèrent dudit lieu dePathai, qui sied a deux lieues de Jenville; pour laquelle place ainsi appelée, ceste battaille portera perpetuclement nom, la journée de Pathay. Et de là s*en allèrent a tout leur proye et prisonniers à Orlyans où ilz furent généralement de tout le peuple conjoys.

Aprez ceste belle victore, s'en allèrent tous les capittaines françois qui là estoient, avec eulz Jehanne la Pucelle devers le roy Charles, qui moult les conjoy et grandement remercya de leur bon service etdilligence. Lesquelz lui dirent que, sur tous, en devoit sçavoir gré à la dicte Pucelle, qui de ceste heure fut retenue du privé conseil du roy. Et là fut il conclud d'assambler le plus grand nombre de gens de guerre que Ton porroît finer parmy les pays audit roy obéissans, adfin qu'il se peust bouter avant eu pays et ses annemis poursievir.

Digiti